من طرف احمد العمده 2010 الجمعة مارس 07, 2008 4:16 pm
والله ومن كل قلبي اتمنى من ادارة النادي الأهلي تستغنى عن الخاين عديم الاصل عصام الحضري, والأهلي عمره ما وقف على لاعب وكلنا عارفين كده كويس , وكلنا متأكدين ان رجوع الحضري مصر ده وراه لعبه من الاعيبه الحمقاء , للأسف مشكلتنا في مصر اننا بندي لاعبي الكوره اكبر من حقهم وده اكبر غلط لأنك بتلاقي واحد زي الحضري كده جي من ورا الجاموسه وأكبر مبلغ مسكه في ايده 20 جنيه وجاهل يمكن ماعهوش ابتدائية وفجأه وفي يوم وليلة اصبح مليونير يسكن في شقه فاخره وعنده احدث السيارات وكمان عنده مصنع اثاث في دمياط , سبحان مغير الاحوال وفي نفس الوقت تلاقي مهندسين ودكاتره بيتعبوا وبيطفحوا الكوته طول عمرهم في المذاكره والشغل ولا حد يعبرهم وفي الاخر يسافروا يشتغلوا في دولة خليجية , في الوقت اللي تلاقي فيه واحد ( أمي ) زي الحضري قاعد مع الريس مثلا وبيسلم عليه !!! ايه اللي احنا فيه ده ؟؟ وياريت كل ده وعاجب الحضري بيه لأ ده لسه عايز يأمن مستقبله !!!! عنده ملايين و اجره 3 ملايين جنيه في الموسم يعني يعيشوا 100000 اسره على اد حالها في مصر وبرضه لسه عايز يأمن مستقبله ؟؟ شوف الطمع والجشع بتاع الناس ؟؟ شوف نكران الجميل للنادي الاهلى
