طبعا احنا شايفين الغلا اللي البلد أصبحت فيه الفول والعدس اللي كان زمان أكل الفقير النهارده ما عدش يقدر يشتريه بعد ما كيلو الفول بقى بـ 8 جنيه والعدس بـ 9.5 ومش كده بس كل يوم بالمعنى الحرفي للكلمه السلع الغذائيه بتغلى وما حدش بيعمل حاجه والريس نايم في القصر ومش في دماغه الناس تولع الناس بقت بتاكل من الزباله والحكومه ملت كرشها من مال الشعب ومش دماغها الناس تعالوا ندعي عليهم ان ربنا ياخدهم أو يبتليهم بمصيبه تشليهم جوعوا الشعب وفسدوا أخلاقه وعلموه ياخد الرشوه وياكل حرام طالما هما عايشين في قصور وفيلل ولابسين بدل وعربيات الشعب يولع بجاز ربنا يخدهم هم وكل من ظلم هذا الشعب ويعمل على تجويعه .... لكن مش مصر اللي تموت ان شاء الله هما هايموتوا وهاتفضل مصر برضه إلى يوم الدين يوم يبعث الله الخلق وكل واحد ياخد حسابه وبحب أقول للقائمين على الأمر في مصر ورجال الأعمال اللي الدوله عماله ترفع في الجمارك على السلع المستورده علشان تحميهم ويمصوا في دم الشعب زياده اتقوا الله الكفن مالوش جيوب واللي انت بتعمله من دم الشعب وظلم الناس هيورثوا ناس تانيه يتنعموا بيه في الدنيا وانت ان شاء الله تولع بيه في نار جهنم يبقى استفدت ايه ... برده بتنام على سرير واحد وبتاكل على قد معدتك يعني أربع مرات في اليوم بالكتير وبتلبس بدله واحده مش أربعه فوق بعض وبتركب عربيه واحده ما ينفعش تركب اتنين مع بعض ... فاتقوا الله اتقوا الله اتقوا الله .... وطبعا في رجال أعمال بيقولوا ما احنا بنطلع فلوس كتير لله .... يعني تغلوا السلع على الناس وتكسبوا فيها قد تمنهاعشر مرات بتضحكوا على مين بتصدقوا على الناس من جشعكوا وافتركوا... اتقوا الله.
فليس لنا الا الدعاء على من ظلم هذا الشعب وسرق قوته وتاجر بشعبه وأفسد دينه وأخلاقه
فأرجوا من قارئ هذا الموضوع الدعاء على الظالمين عسى أن يريحنا الله منهم ويصلح حال هذا الشعب
قال رسول الله صلى الله عليه وسلم لمعاذ حين أرسله لليمن : ( واتق دعوة المظلوم فإنها ليس بينها وبين الله حجاب ) رواه البخاري
عن أبي هريرة ـ رضي الله عنه ـ عن النبي صلى الله عليه وسلم قال : " ثلاثة لا يرد دعاؤهم : الذاكر لله كثيرا ، ودعوة المظلوم ، والإمام المقسط " رواه البيهقي والطبراني وحسنه الالباني .
قال رسول الله صلى الله عليه وسلم " إن الله تعالى ليملي للظالم ، حتى إذا أخذه لم يفلته " متفق عليه
تقبلوا تحياتى
فليس لنا الا الدعاء على من ظلم هذا الشعب وسرق قوته وتاجر بشعبه وأفسد دينه وأخلاقه
فأرجوا من قارئ هذا الموضوع الدعاء على الظالمين عسى أن يريحنا الله منهم ويصلح حال هذا الشعب
قال رسول الله صلى الله عليه وسلم لمعاذ حين أرسله لليمن : ( واتق دعوة المظلوم فإنها ليس بينها وبين الله حجاب ) رواه البخاري
عن أبي هريرة ـ رضي الله عنه ـ عن النبي صلى الله عليه وسلم قال : " ثلاثة لا يرد دعاؤهم : الذاكر لله كثيرا ، ودعوة المظلوم ، والإمام المقسط " رواه البيهقي والطبراني وحسنه الالباني .
قال رسول الله صلى الله عليه وسلم " إن الله تعالى ليملي للظالم ، حتى إذا أخذه لم يفلته " متفق عليه
تقبلوا تحياتى